Mizoram News

Ruang 15 la chhuak tawh

Laipuitlanga PWD SDO Office building leh a dinna ram minin chenna in a hnawla thi te ruang 15 lakchhuah a ni tawh a, nimin khan Thingfal khua unau 2- Zothanpuia (19) leh Lalrindika (17) te lak chhuah an ni a, nimin zing dar 8 vel khan, Lalramnghaki (25), Rabung khua chu lakchhuah a ni bawk. Home Minister hova Central YMA hruaitute leh helai vela YMA hruaitute thukhawmin vawiin khan ruang zawn chawlh san rih a, a bul hnaia lei tawlh leh palhin a tihchhiat theih hlauhawm senghawi phawt nise tih an rel a, vawiinah ruang zawn chhunzawm ni se an ti a ni.