Nimin khan Mizoram Tou-rism Development Authority (MTDA) chuan Tourism Minister leh MTDA Chairman ni bawk Pu S. Hiato hovin a office chamber-ah an ṭhukhawm.
MTDA thukhawm chuan Tourist Lodge sak zawh tawh te hawn dan tur an rel a. Saitual Tourist Lodge chu May ni 16 ah hawn tum niin, Tourist Lodge E. Lungdar chu May ni 22 ah, Tourist Lodge N.Vanlaiphai May ni 23 ah leh a dang 6 – Bualpui NG, Darzo, South Vanlaiphai, W. Phaileng, Zawlnuam leh Sangau te chu June thlaa hawn tum a ni bawk. Chalfilh leh hmun dang panga (5) ami te hawng tura inbuatsaih tum bawk a ni. MTDA chuan Aerosports hmasawnna atan cheng nuai 468.82 a hmuh chu he fund hi sanction a nih ang ngeia hman tum a ni.
MTDA sum RTI Act-a zawhna leh Minister-in Assembly-a a chhanna inmil lo anga sawi pawh Member te hrilhfiah an ni a. RTI Act zawhna hi January-ah chhan a ni a. MTDA sum (a pung nen) tlingkhawm zat zawh a nih angin `1,46,28,540/- a chhan a ni a; Minister in Session-a a chhanna hi MTDA sum ‘tun dinhmunah’ tih zawh a nih angin senso hrang hrang paih hnua a la awm zat `99,63, 560/- a chhan a ni thung.