Mizoram News

State pawnah Thlai thar hralh chhuak mek

Mizoram Sawrkar Policy angin Mizoram thlai thar hralhchhuah kawngah Free marketing Policy hmangin state pawnah Sawhthing, Aieng, Hmarcha leh Chhawh-chhi hralh chhuah mek a ni.
Mizoram Agriculture Marketing Corporation Ltd. (MAMCO) hotu te chuan Mizoram thlai thar state pawna hralhchhuah kawngah sum-dawngte chu kuthnathawktu te hmangaihna rilru nen theihtawp chhuah leh rintlak taka thawk tura an duh thu an sawi a, kuthnathawktu ten an thlai thar hlawk taka an hralh theih na turin state pawna thlai thar hralhna rate leh a hralhna hmun chungchangah sorkar chuan ngun takin a thlithlai renga, tun sorkar ah chuan state pawna thlai thar hralh-chhuahna kawngah Tender emaw Gate siam emaw a awm dawn lo tih an sawi.
Kum 2009 atang khan Free Market Policy hmangin mizoram thlai thar Sawhthing, Hmar cha, Aieng leh Chhawh chhi te state pawnah MAMCO kaltlangin hralhchhuah mek ani a, heng zinga hlawm lian ber Sawhthing chu nikum 2011-12 chhung khan state pawnah 90,721.07 Qtls hralhchhuah ani a, kumin April ni 30 thleng khan Sawhthing 2,98,750.00 Qtls hralh chhuah a ni a, heng bakah hian Hmarcha – 12,475 Qtls, Aieng – 67,870 Qtls leh Chhawhchhi -3,547.1 Qtls hralchhuah a ni bawk.