Zan hnih riak tura Aizawl rawn tlawh mek British High Commissioner Sir James Bevan chuan nimin khan Mizoram Governor Pu Vakkom Purushothaman chu a chenna In Raj Bhawan ah a hmu a, ram 2 thawhdunna kawnga Mizorama tih tur pawimawh te an sawi dun.
Pu Bevan hian Chief Secretary Pi L. Tochhong pawh a office-ah hmuin in, Mizoram chu ziak leh chhiar thiam tamna state leh khualzin veivak hip thei tur tak nia a hriat thu te, zirna kawnga ram pawn thlenga Mizoram zirlaite an kal theih dan tur kawng buatsaihpui a in huam thu te, a bikin eizawnna tling thiamna tangkai tak tak zawnpui dan tur a awm thu te a hrilh a ni.
Hemi hnu hian Pu Bevan hian Aizawl-a thuthar thehdarhtute a kawm a ni.
British High Commissioner pual hian nizan khan Chief Minister Pu Lal Thanhawla chuan zanriah a buatsaih a ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117