Parliamentary Secretary to Chief Minister Pu Lal Thanzara’n Contractor intelkhawm te chu ram leh hnam veitu leh thinglung taka hmasawnna duhtu an nih angin an hna in sawrkar leh mipui mit a tlung em tih te an ngaihtuah tur a ni a ti.
Nimina Mizoram Class –I Contractors’ Association ten an pawl khawmpui Aizawl Tuikual ‘S’ a an office-a an buatsaih a hmanpuinaah he thu hi sawiin, contractor ten hna an thawhna kawngah Mizoram siamtu an nih tih an hriat reng a pawimawh a ti a, thahnem ngaihna chang hriat loh chuan a tuartu chu ram leilung fate tho an nih avangin neitu rilru pu a hnathawh a tul takzet a ni, a ti bawk.
Pu Lal Thanzara chuan, Lengte atanga Bungtlanga Multi Modal Project pawh tur kawng, World Bank Project II tia hriat lar, World Bank tanpuina hmanga sial tur chuan Mizoram tan malsawmna nasa takin a thlen a rin thusawiin he project hnuaia hna peng hrang hranga contractor, ram leilung faten an thawh ve theih tur a awm ngei a beisei thu a sawi a ni.