Mizoram News

CYMA-in hma la zui zel

Central YMA bultumin Inrinnia Phunchawng leh Rangvamuala kumpuan hnatlang neite chuan zu leh dan lova thil tih tirem turin hma an la zui zel.

YMA hruaitu 170 vel thawk chhuakte hi Central YMA Vice President Pu Lalbiakzuala, Kumpuan Chairman nibawk leh Office Bearer dang ten an hova, CEC Member-te leh Aizawl khawpui chhunga YMA Branch hrang hrang 10 atanga feh chhuak a, an zinga mi thahnem tak chuan ram hnuaia Zu Factory zawngin an tih chhiat saka, zu bilhna hmuna zu zem 11 an tihchhiat bakah, rakzu polythene 26 an mante chu an ti chhe bawk a ni. Hetihlai hian heng khaw pahniha ramdang mi la awm nia an hriat te enfiah zuitu pawl an awm bawka, ram dang mi dan phal loha Electors Photo Identity Card (EPIC) nei nia hriat leh EPIC lem nei nia hriat te pawh endik an ni a, Electors Photo Identity Card rinhlelh awm 116 vel an hmuh te chu Electoral Roll nen enfiah turin an chhinchhiah a ni. Central YMA hmalakna hi ningani kalta a Central YMA Executive Committee lo rel tawh bawhzuina a nia, an thu tlukna siam angin Phunchawng leh Rangvamual thian thianghlim tur hian tha thlah lo va hmalak zel nise tih a nia, nimin atang khan Branch hrang hrang te an in duty chhawk dawn a ni. Hetih lai hian Central YMA hruaitute chuan Kumpuan ‘Ram leh Hnam Humhalh’ tur leh Mizoram thian thianghlim tura YMA tan lakna mipuiten tha taka an thlawp chu lawmawm an tih thu an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram