Mizoram News

CYMA-in Revenue Minister hmu

YMA General Conference 2012 in a lo rel tawh leh CEC in alo ngaihtuah tawh, “Assam Rifles chhuahsan tur ram hi mimal hnena pe lo tur leh ṭangkai taka hman a nih theih nana humhalh turin sawrkar ngen ni rawh se,” tih bawh-zuiin Central YMA hruaitute chuan nimin zing khan Pu JH Rothuama, Revenue etc. Minister chu a chenna In, Vaivakawnah an kawm.

Pu JH Roṭhuama chuan CYMA duh dan chu sawrkar hmalak tum dan leh hmalak mekna a nih thu sawiin, Assam Rifles chhuahsan tur ram hi a hmunah pawh vawi 2 lai en a nih thu a sawi a, Assam Rifles chhuahsan tur ram hi mumal taka enkawl leh cheibawl a nih theih nan. “Advisory Commi-ttee on use of Assam Rifles Land inside Aizawl City Area” chu sorkar-in kum 2012-ah a din tawh thu sawiin, he Committee hian inhmuh khawmna neiin ramte a hmun-ah an en tawh thu a sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram