Mizoram News

District ngiatin kawng zawh tum

Darlawn District Demand Committee chuan District Administrative thar atan Darlawn an ngen nawn tih sawiin hemi bawhzui hian June ni 20, 2013 hian Darlawn khawtlang huapin sawrkar hnena District hran an duhzia lan tirna kawngzawh an tum.

Nimin khan Aizawl Press Club-ah Darlawn District Demand Committee chuan Press mite an kawm a, an Chairman Pu C.Thanṭhuama chuan kum 1988 daih atang khan Darlawn hian District Hqrs. ṭhuthmuna dah hi an lo dil tawh thu a sawi a, “Kum 25 zet kan nghah hnuah pawh hlawhtlinna hmel kan la hmu theilo mai ni lovin District Demand Committee-in Area chin tura tuna kan beisei khua te hian hmasawn-na lamah vawiin thlengin duhsakna sawitham Mizoram sawrkar aṭangin kan la hmu theilo a; mipuite kan mangang takzet a ni” a ti.

“Tuna sawrkar hian Admi-nistrative District thar Aizawl hmar lama cheng mipuite hma-sawnna turin min siamsak ve tawh se tih hi kan beisei leh kan nghah mek a ni a. Tuna Darlawn District thar kan beiseina hi A zau zawng 1500 Sq.Km, Khua 41, mipui 40,000 leh In 8,000 chuang vel zet a ni mek a ni. Tuivawl Constituency chhung-ah hian khua 24 awmin, Chalfilh Constituency chhung-ah khaw 15 bakah; Serlui Constituency chhung a khaw 2 hi District Adminstration thar hnuaia awm tura tuna kan beisei theih chin chu ala ni” a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram