Mizoram News

Inremna tihhlawhtlin loh chuan ramhnuaiah kalleh rawh tihnaah ngai dawn

Ex-Mizo National Army (Ex-MNA) Association chuan kum 1986-a India sawrkar leh MNF ten inremna thuthlung an ziah a la tih hlawhtlin loh rambuai avanga thubuai la neite tihtawp sak tura tih tun thlenga tihtawp lova la awm te chu tihtawp sak an nih loh chuan ram hnuaiah kal leh rawh u tihna a an ngaih tur thu an sawi.

Nimin khan Aizawla thuthar lakhawmtute kawmin, Ex MNA Association chuan remna thuthlung la tih hlawhtlin loh, High Court chungchang leh rambuai avanga thubuai la neite leh pawngsual tawkte chungchang bawhzuiin Delhi ah Home Secretary an hmu tih an sawi a, hetah hian an pawl Treasurer Pu C Zama, Jt Secy Pu K Lalnuntluanga leh Executive member Pu Vanchhunga te chuan an thil ngiat zinga rambuai laia case nei la tihtawp sak loh te chu tihtawp sak an nih loh chuan ramhnuaia kir leh rawh u tihna anga an ngaih thu an thlen tih an sawi a ni.

Thuthar lakhawmtute kawmna hi Ex-MNA President Pu Rochungnunga’n kaihruaiin an pawl Treasurer Pu C Zama’n sawrkar laipuia an thu thlen chungchang a sawifiah a, buai laia thubuai tun thlenga la neite chu mi Pathum- Lalzarliana, Lalbiakhluna leh Vanlalhruaia te an nih thu a sawi a, Manipur sawrkar hnuaia Arms Act thubuai nei an ni an ti a ni.

Ex-MNA te thu thlen dang zingah kum 26 ral hnu thleng pawha la tihhlawhtlin loh High Court hran neih te, Independent sual laia India sipaiin Mizo nula an pawngsual avanga mi anglo ni ta hmeichhe 2 tun thlenga la dam te enkawl na tur zangnadawmna pe tura dilna te a tel a ni.

Ex-MNA chuan Delhi a ni 18 an cham chhunga UPA Chairperson Pi Sonia Gandhi bakah Minister dangte an hmu theilo chu an vui thu an sawi a, hei bakah hian, pawisawilo te pawikhawih zawnga nasa taka chet thawh Maoist hel pawl te Army tak tak nen pawha in ep tir loa helicopter takngial pawha beih an nih loh laia Mizoram buai laia thlawhna hmanga Aizawl baka khaw 9 lai beih a ni chu na an ti thu an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram