Aizawl atanga kartin chhuak chanchinbu Lelte Weekly-in a hla phuah te an hlutzia lantir nan Education Minister Pu Lalsawta chu nimin khan chawimawina an hlan.
Mizoram-a rimawi lama sulsutu hmasa leh zaithiam lar hmasaten a hla phuahte an sak avanga an lo lar avangte leh Minister a nih hnua Education Department hneh taka policy leh zirna kaphung thar a ruahman avanga Mizoram tan hmasawnna lo lang ta chu lawmawm tiin chawimawina thuziak an hlan tih Lelete Editor Pu C.Dinthanga chuan a sawi.
Nimin khan an chanchin-bu kum 30 tlin an lawm a, Inkhawm hi Pu K.Sapdanga, Editor Vanglaini-in kaihruaiin Lelte neitu Pu C.Dinthanga’n report a pe a. 1983 June ni 10 atanga tun thlenga an chanchinbu a kal theihna chhan chu Pathian leh Sawrkar leh Mizo mipui ten thlawpna vang a ni a ti.