Mizoram News

Pawngsual-ah Mizoram a sâng

Kum kalta, 2012 chhung khan Mizoramah pawngsual ṭum 103 a thleng a, hei hi IPC hnuaia thubuai ziahluh zawng zawng aṭanga chhutin zaa 9.4 zet a tling a, India ram pumah a sang lawr lak a ni.

National Crime Records Bureau tarlan danin kum 2012 chhunga Mizorama pawngsual thleng zingah hian 34 chu kum 10 chin hnuailam laka thleng a ni a, kum 10 leh 14 inkar pawngsual tawk mi 21 an awm a, kum 14 leh 18 inkar 26, kum 18 leh 30 inkar mi 15, kum 30 leh 50 inkarah mi 6 leh kum 50 chin chunglamah mi 1 in pawngsual a tawk a ni.

Mizoram Police CID Crime Branch in a chhinchhiah danin kum 2010 khan pawngsual hi Mizoram pumah ṭum 92 a thleng a, 2011 ah 77 leh 2012 ah 103 a thleng a, kumin kum kal mekah hian April thla thleng khan ṭum 24 a thleng leh tawh bawk.

Mizorama pawngsual thleng pun chhoh dan hi enliam mai chi a nilo a, mi zawng zawng ṭanrualna tur chi a ni tih CID Crime SP Pu Joseph Lalchhuana chuan a sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram