Zothlifim Logo
Loading ...
Mizoram NewsMizoram News

Kolasib district-ah MGNREGS hnuaia inhlawh-fa te hlawh an Bank account a thunsak tur a nih laiin, Jobcard nei zingah Electoral Photo Identity Card (EPIC) neih loh avanga Bank Account hawng theilo ṭhahnem tak an awm.

Kolasib district chhunga MGNREGS hnuaia inhlawhte hnathawhdan chhinchhiahna MR (Muster roll) chu EMR (Electronic Muster Roll) hman tur a nih avang leh an hlawh pawh an Bank Account-a dahsak tur a nih avangin tunlai hian Kolasib District-a Job Card nei te chuan anmahni huamchhunga Bank hrang hrangah account hawngin an buai hle a ni.

Bank account hawng tur hian Job Card nei ṭhenkhat EPIC neih loh avanga Bank Account hawng thei lo ṭha-hnem tak an awm a, Vairengte II VC huamchhungah pawh Job Card nei si, Bank Account hawng theilo chhungkaw 100 vel lai an awm a ni.

MGNREGS guideline-in a phut angin Job Card hi India khua leh tui dik tak, EPIC nei te chauh pek tur tih a ni a, Job Card dilnaah EPIC No. te chhin-chhiah vek tur niin, EMR-ah pawh EPIC number te nen kimchang taka Job Card holder te mimal chanchin ziah a ngaih laiin, tun dinhmunah khaw hrang hrangah EPIC neilo Jobcard nei si ṭhahnem tak an awm mek a ni.