School khâr ta

Mizoram Govt. Lumpsum Grant in Aid School-ten an harsatna sukiang tura sawrkar an nawrna a hlawhchham tak avangin an sawi lawk angin nimin aṭang khan Lumpsump Aided Sikul 26 chu khar a ni.

MIGASA Gen.Hqrs leh Managing Board te thuchhuah tarlan danin an pawl member zinga khar lo tur awm anga sawi chu thudik tawk lo a ni a, an hriat theih chinah chuan an member ten an khâr vek a, hetihlai hian Farkawn ah chuan Managing Board leh MZP Sub.Hqrs leh MSU Sub-Hqrs te huaihawtin zirna in danga lut zirlaite pawh an dang vek a, School an khar sak vek bawk a, Kolasib Rengtekawn khawtlang ṭangrual pawhin High School an khâr bak ah an khawchhunga zirna in dang awm te pawh an thlawpzia lantir nan an khâr vek bawk.

Govt. Lumpsum Grant in Aid School (MIGASA) Managing Board te leh MIGASA Gen.Hqrs hruaitute chuan sawrkarin Adhoc-grant-in-Aid a a hlan ngei an la beisei tlat tih an sawi a, hetihlai hian, Mizo Students Union chuan Mizoram Govt (LUMP-SUM) Aided School Association ten harsatna an tawh avanga School an khâr hial a ṭul ta chu pawi an ti tih sawiin, an harstna chungchangah Sawrkar in a lu thinsan mai lova an dinhmun diktak a hmun a enfiahsak ngei tur leh khaw inkar hla tak taka awm Zirlai naupangten zirna ngaihtuahsak ngei ni se an ti a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram