Chhiahtlang Zotuithiang Branch YMA chuan kum 2013 YMA Day pualin an veng chhunga hmeithai Pi Lalchhawni (44), a fapa kum 13 mi nen chauha khawsa te in chu tun thla ni 12 khan thriatin an sa tha leh nghal a, Inrinni, YMA Day hian an zawh fel sak a ni.
Pi Lalchhawni in sak ṭhat nan hian YMA chuan veng chhung in tinah vehbur an khawn a, thingzai, thingril leh pawisa te thawh khawmin a dung feet 27 leh a vang feet 12 in an saksak a, a chhuat lei ring chu cement concrete(PCC) in an chhunsak bawk a ni.
He in sak nan hian Zotuithiang Branch YMA chuan tha 186 leh `21,462/- an seng a, bialtu MLA Pu K. Lianzuala chuan rangva bundle 4 leh `3,000/- a pe bawk. Hei bakah hian DCSO leh khaw pawn lam aṭangin mi ṭhahnemngai ten an pui bawk a ni.
Chhiahtlang Zotuithiang YMA Branch ah hian member 476 leh Life Member 8 an awm a, kumin YMA Day ah hian Pi Lalchhawni in mai bakah Pi Lalremruati leh Pi Lalnunnemi te in an thawm that sak bawk a, Pi Lalnunnemi in hi kumin favangah a puma sak thatsak leh ngei an tum bawk a ni.
YMA takin ka lawmpui e…. YMA hian mite tanpui zawnga hma an lak hi chuan Mizo nih an ti nuamin ..hnuk lam lam an ti ulh thin zu nia… Chhiahtlang khua hi an engemawti changkan tlat ani…. Khaw entawn tlak tak an ni hrim hrim ..ka lo ti thin… Ka pa pawhin a ti thin tho…Town area khat chhhung a awm kan nih avangin MLA bial khatah Serchhip-New Serchhip-Chhiahtlang ni mai se.. hma kan sawn zawk ang maw le ..ka ti bawk…