Zothlifim Logo
Loading ...

Independence Day Football Tournament-ah nimin khan 1st Division-ah Dinthar FC chuan 2-0-in Chhim Veng FC an hneh a, Dinthar FC tan hian David Lalchhandama chuan goal 2 a thun a ni.

Heti hian 1st Division Team te hian Match 2 ṭheuh an khel tawh a, Hmar Veng FC, Dinthar FC leh AWC FC-ten Point 4 ṭheuh an nei a, Hmar Veng FC leh Dinthar FC te hian GD 2 neiin AWC FC hian GD 1 an nei a ni.
Mikhual Team ten Point 6 hlawh chhuak vek

Second Division-ah Keiṭum FC chuan 3-1-in Ainawn FC an hneh a, Keiṭum FC hian match 2 khel tawhin point 6 an nei tawh a, Quarterfinal luhna chance an nei ṭha ta hle a ni.

Bungtlang Bazar FC pawhin Chhim Veng FC chu 2-1-in an hneh bawk a, Bungtlang Bazar FC pawh hian Match 2-ah Point 6 neiin Pool C aṭanga Quarterfinal lut turin chance an nei ṭha ta hle bawk a, hetihlai hian Chhim Veng FC erawhin match 2-ah point an la hmuh loh avangin match 1 khelh tur la nei mahse tla tluk an ni ta a, midang result-a an innghah a ngai tawh ang.

Bungpui FC, Hriangtlang pawhin Point 6 hlawh chhuak turin IOC FC chu 2-1-in an hneh a, Pool-D aṭangin Bungpui FC hi Quarterfinal lutah an puan theih chu a ni deuh tawh mai a, hetihlai hian IOC FC pawh hian match 2-ah point pakhatmah an hlawhchhuah loh avangin beisei tur an nei tawh lovah a ngaih theih.