Mizoram News

Police Officer kut aṭangin damdawi tam tham tak man

Champhai Exise te chuan niminpiah tlai dar 2:00 vel khan Pseudoephedrine mum 2,20,000 an man a, a neitua puh Police Sub-Inspector, Champhai CID-a post mek Lalbiakmawii (40) d/o R Liamawia leh motor khalhtu CID (SP) constable Robert Z Tochhawng s/o Sangzuala, Champhai Vengsang ve ve te chu an man nghal bawk.

Champhai Exise te sawi danin Maruti 800 car hmangin damdawi hi Aizawl atanga Champhai pana phurh chhoh a ni a, Champhai daiah Police SI Lalbiakmawii te hian gypsy hmangin an lo la chhawng a ni. Champhai dai atanga an haw lam chu Exise-te chuan check gate-ah lo endikin an man ta a ni.

Lalbiakmawii leh Robert Z Tochhawng te hi Exise-ten thu zawhfiah atan an kawl mek a, Pseudoephedrine an man hi local market-ah chuan cheng nuai 16.5 man vel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram