Zothlifim Logo
Loading ...
Mizoram NewsMizoram News

Lok Sabha MP Pu CL Ruala chuan Mizoram chu Oil leh Gas awm theihna hmun beisei zingah a ṭha ber, Category-I, hlawkpuina tham haichhuah ngei theihnaa tel a nih avangin hun reilote ah sum bawm lian ber thawh chhuahna a inhawng dawn a ni. a ti.

A thuchhuaha a tarlan danin Pu CL Ruala chuan, Category -I a Mizoram a awm avang hian hma lam hunah beiseina sang tak a awm tih a sawi a, New Lisensing Policy hnuaiah Company 8-te chuan Block 4-ah tuialhthei leh Gas zawn hna an thawk mek a, Mizoram zau zawng za zela 58.9 tuam chhuak tura beipui thlak mekah hlawhtlinna hmuh mek a nih avangin, hemi kawng-ah hian mi thiam neih sa bakah hna tenau aṭanga hna sang thlengin hna ṭau a ṭet nasa hle dawn a ni, ti a; Tuialhthei leh Gas hai chhuah a nih hunah Mizoram chu kawlphetha, eirawngbawlna Gas leh CNG-ah hnianghnarin, Leiṭha siamna leh Industries lamah hma a sawn hle dawn a, hei hian ei leh bar kawngah mipui dinhmun nasa takin a chawi-kang dawn niin a sawi a ni.