Vengchung FC-in Point la hmu lo

Khawtetlang Field-a Independence Day Football Tournament khelh mekah nimin khan First Division-ah Vengchung FC leh AWC FC te inkhelin, AWC FC chuan 2-1-in Vengchung FC an hneh a, heti hian Vengchung FC chuan match 2 khel tawhin an la chaklo ve ve a, point hmu lovin Table mawngphahah an la awm chhunzawm zel a, First Division Team 6-ah anni hi point hmu lo awmchhun an la ni a, game 3 khelh tur an la neihah an ṭan hle a ngai tawh ang.

Hetihlai hian AWC FC hian point 4 neiin,   hmahruaitu Hmar Veng FC nen an point a inang a, Goal Difference-ah Hmar Veng an sang zawka, hmahruaitu an la ni rih a ni.

Second Division-ah Dinthar FC-in 4-0-in Chhim Veng FC an hneh a, anni pahnih hi an vawi khat khelhna ve ve a ni a, Darnam FC pawhin IOC FC chu 2-0-in an hneh bawk a, hemite pawh hi an vawi khat khelhna ve ve a ni.

Hetihlai hian Inrinni-a 4-0-a Vengchung FC sawptu, Kawn Veng FC, Chhiahtlang chuan an match 2-naah New Serchhip FC A Team chu 3-0-a sawp lehin Point 6 hmu-in an Pool-ah hmahruaitu an ni mek a, New Serchhip hian Point 3 neiin an dawt a, Kawn Veng FC tan Quarter-final luhna chance a ṭha ta hle a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram