Aizawl Cadastral Plan February thlaah peihfel hman beisei lo

Aizawl Mualpui ram chu khawpui chhung zauhna tura chenna hmun – Planned Town Area ni turin buatsaih mek a ni a, tunthlaa peihfel hman tura tih a nih laiin engemaw harsatna avangin zawh hman beisei a ni lo.

Principal Secretary Pu RL Rinawma sawi danin, Mualpui ram hi Aizawl khaw zauhna hmun a nih avangin chhungkaw 8000 vel lai leng tura ngaih a ni a, amaherawhchu duh dan dana in sak a nih loh nan leh phairam Slum Area ang maia a awm loh nan sawrkar chuan ruahmanna a siam a, helai ram hi mimal ram bakah sawrkar leh vantlang ram ni mahse mumal taka he ruahmanna hi siam tum ani tih a sawi a ni.

Helai hmun atan hian kawngpui kal dan tur te, vantlang hmun pawimawh- Bazar hmun, hospital, Tui dahna hmun, Infiamna hmun leh park leh hall dang bakah thil pawimawh dang ruahmanna chi hrang hrang siam a ni a, tun dinhmunah UD&PA hnuaia Town and Country planning lam chuan an tih tur an ti zo tawh a, siamrem ṭullai te ennawna tifel turin Revenue and Settlement department-ah a awm mek a, thawktute lama harsatna engemaw a awm avang leh indaih tawk loh avangin February chhung chuan peihfel hman loh deuh rin a nih thu dawn a ni