Mizo Students’ Union (MSU) chuan kumin academic session thar aṭangin sawrkar leh private school fee rualkhai zawk hmang turin sawrkar a phut.
Hemi chungchangah hian niminpiah khan MSU hruaitute chuan School Education Department officer te an kawm a, sawrkar hnuaia high school leh higher secondary school fee structure zirchiang tura Education Department-in a siam, Task Force te ruahmanna thlirho a ni a, heng ruahmanna an siam hrang hrangte hi pawm a ni.
MSU chuan sawrkar school, deficit leh aided school te chu sawrkar fee structure ruahman hi kum 2014 session aṭanga hman a nih ngei theihna turin a rang thei ang bera hriattirna chhuah turin sawrkar an phut tih nimin khan thuchhuah an siam a, hei bakah hian tun thlenga Private institution-a free structure duan la ni lo chu, ṭha zawka siam a nih theih nan private recognise school te fee structure te siam turin sawrkar an phut tih an sawi bawk a ni.