Zothlifim Logo
Loading ...
Mizoram NewsMizoram News

Mizoram tlawmngai pawl lian 4- Central YMA, MUP, MHIP leh MZP te chuan vawiin hian Chief Minister Pu Lal Thanhawla hmuh an tum a, hetah hian Tripura transit camp-a engemaw chhuanlam siam avanga la awm Tuikuk te chungchang bakah AMC Licensing Regulation chungchang leh Gorkhali OBC status dilna chungchang te an sawiho ang.

Hemi chungchang hi an lo relho tawh angin Joint Meeting chuan anmahni duhthu ngei a Mizoram chhuahsantu Tripura Transit camp a chhuanlam hrang hrang insiam chawpa la châmbâng Tuikuk te chu tun thla ral hma ngeiin laklet hna kalpui nise an ti a, hemi hnua Mizorama lo let duh lo te chu Mizoram Electoral Roll aṭanga paih an nih theih nan Joint NGO chuan a ṭul ang apianga hmalakna kalpui nise an ti a ni.

Hei bakah hian Mizorama chêng Gorkhali ten Other Backward Classes(OBC) status neih tuma hma an lakna chu engti kawng zawng maha a hlawhtlin an remtih loh thu an sawi a, Aizawl Municipal Council (AMC) hnuaia License diltuten lehkha pawimawh thiltel ngai a siamah Residential Certificate tih chu ‘Residential Certificate of Mizoram,’ tia thlak te EPIC tih chu EPIC of Mizoram tih nise tih leh Tribal certificate of Mizoram pawh thil tel leh AMC-in license diltute thil tel atana “Trade license granted by erstwhile Mizo district council for non indeginous person’ tih clause awm chu paih turin Chief Minister ngen an tum dawn a ni