India News

Sawrkar kalphung tam tak palzut-ah UPA puh

BJP chuan UPA sawrkar chu Lok Sabha ṭhutkhawm ṭum 15-na chhung khan sawrkar kalphung pangngai tam tak palzutah an puh.

Inrinnia New Delhi-a chanchin thar thehdarhtute an kawmnaah BJP hruaitu Sushma Swaraj-i leh Arun Jaitley te chuan sawrkarin Comptroller and Auditor general report te, Public Accounts Committee leh Joint Parliamentary Committee te report, ram sum leh pai khawih phak khawpa pawimawhte chu sorkarin a ngai pawimawh tawk lo a ni, an ti a, Pi Swaraj-i chuan Telengana Bill ngaihtuah a nih laiin Congress MP-te’n House an tibuai a, heti chunga Lok pal, Food Security, Land Acquisition leh Andhra Pradesh Reorganisation Bill te pass an ni thei chu a lawmawm a ni, a ti a. Pu Arun Jaitley-a pawhin Congress Vice President Rahul Gand hi-a’n Lokpal Bill chungchanga a sawi loh pui sawi anga a puh chu a lawm loh thu sawiin, a hmain hemi chung-chang hi engmah a sawi ngai lo niin a insawi a ni.

Pu Jaitley-a chuan an party-in Lok Sabha inthlanah seat 272 aia tam lak an tum thu sawiin, party dang nena thawhdunna tur chungchang chu inthlanpui zawhah chauh ngaihtuah a ni ang, a ti bawk

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram