Thuzawhfiah tura Police kawl lai inawkhlum

Mizoram News

Tun thla ni 5-a, Vaseikai-a sangha dil khup thleng vela thia chhar, Thianghlimi thattu ni a rin, Lalroṭhuama chu Zirtawp zan khan Vaseikai Police Station Lock-up-ah inawkhluma hmuh a ni.

Thulakna tarlan danin, Lalroṭhuama hian inawhhlum nan hian a puan sin lai a hmang a, a ruang hi Inrinni khan Lawngtlai District Hospitalah Postmortem a ni.

Vaseikai sangha dil khup thleng vel leka thia chhar, Thianghlimi hi Lai Autonomous District Council-a LDC hnathawk lai a ni a, a ruang chhar ni hian Sangha dil kamah a pyjama leh shawl chu ṭha taka thleh ṭhata hmuh a ni a, Thianghlimi ruang hi dilah hian T-Shirt leh kawrlum chauh haa hmuh a ni.

Pasal anga a neih Lalroṭhuama hi Lawngtlai SP Office-a IV Grade hnathawk ṭhin a ni a, Lalroṭhuama hi a nupui nen an inṭhen hnuah Pi Thianghlimi nen hian nupa angin an khawsa a, Lawngtlai aṭanga Vaseikaia sawn a nih hnu-ah, Pi Thianghlimi hian a zui leh niin sawi a ni.

Leave a Reply

This site uses Akismet to reduce spam. Learn how your comment data is processed.