HPC 2014-15 Budget Cheng vbc. 6.50

Lunglei High Powered Committee chu Vice-Chairman Pu S.Laldingliana hovin nimin khan a office-ah kumina HPC meeting hmasa ber neih a ni a, Pu Laldingliana sorkar kumthar 2014-2015 chhunga HPC Budget chu cheng vbc 6.50 a ni dawn tih a sawi a, hetah hian hmasawnna ruhrel siam nan cheng vbc 4.80 dah a nih tur thu leh a bak chu office mamawha hman tura ruahman a ni, a ti.

Lunglei hming put chhan chei dan turah Chief Minister pawhin a phurpui hle tih a sawi bawk a, Kum 2014-2015 chhunga Lunglei District hmasawnna atana Project thlanna leh sawihona neih a ni a, kum 2013-2014 chhunga project hnathawh la puitlin loh te chu kalpui chhunzawm nise tih an rel bawk a ni. Kum 2014-2015 chhunga HPC Project thehluhte chu ngaih pawimawh zual leh sum tam tham hman a ngaih lohna turte chu pawmtlan a ni a. Vice-Chairman chuan Member-te ngaih pawimawh zawng Project 10 ṭheuh ngaihtuah turin a ngen a, HPC meeting lehah ngaihtuahho tura chhawpchhuah a ni ang tih a hrilh nghal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram