HRSP vuah vek tura thupek awm mek duh loh thu sawi

Lirthei number plate, High Security Registration Plate (HRSP) vuah vek tura sawrkar thupek awm mek chu an duh loh thu nimina pawl hrang hrang 11 aiawh leh mimal ṭhahnem tak Aizawl Synod Conference Centre a kalkhawm te an sawi.

High security registration plate chungchanga kalkhawm te hi lirthei khalhtu leh neitu pawl hrang hrang te an ni tlangpui a, Resolution siamin, High Security Registration chu lirthei neitu te tana himna awmlo nia an hriat avang leh mi ṭhenkhat eizawnna lâksaka mipui lirthei neitute tana harsatna nasa tak thlentu a ni an ti a, High Security Registration vuah tura tih tawh chu sawrkarin ennawnin, lirthei zawng zawng a vuah tuma hma a lakna chu titawp se tih an pass a ni.

He hunah hian ACBOA Gen Secy Jeffrey L Fanai, chuan, Transport Secretary Pu Darzika hun laia lirthei pawl hrang hrang kohkhawm an nih tumin he thil hi kalpui phawt a, a duhin an ti ang a, a duh lovin an ti lo ang a tih hnuah anmahni lam rawnna awm loin tih ngei ngei tura hriattirna a awm chu ngaihthiam har an tih thu a sawi a ni.

Sawrkar chuan kum 2012 March ni 22-a supreme court order angin lirthei zawng zawngah HSRP vuah turin a ti a, tun thla chhung hian vuah fel vek tur a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram