Zothlifim Logo
Loading ...
India NewsIndia Chanchinthar

Lok Sabha 16-na din tura inthlanpui chu thla leh April ni 7 aṭanga May ni 12 inkarah thawh 9-a neih a ni dawn a , May ni 16-ah vote chhiar a ni ang. Inthlan thawh 1-na, April ni 7-ah Assam-a Lok Sabha bial 5 leh Tripura-a bial 1 atan vote thlak a ni ang a, a thawh 2-na April ni 9-ah Arunachal Pradesh, Manipur, Meghalaya, Mizoram leh Nagaland-a bial 7-ah vote thlak a ni ang.

April ni 10-ah state 14 huamchhunga Lok Sabha seat 92 atan vote thlak a ni ang a, Assam-a seat 3 telin state 3 huamchhunga seat 5 atan April ni 12-ah vote thlak a ni ang.

Inthlan thawh 5-na, April ni 17-ah state 13 huamchhunga seat 122 atan vote thlak a ni ang a, a thawh 6-na, April ni 24-ah state 12 huamchhunga seat 117 atan vote thlak a ni ang.

April ni 30-ah inthlan thawh 7-na neih a ni ang a, hetah hian state 9 huamchhunga seat 89 atan vote thlak a ni an g a, May ni 7-ah state 7 huamchhunga seat 64-ah, a thawh hnuhnung ber, May ni 12-ah Chhatisgarh, Uttar Pradesh leh W Bengal-a Lok Sabha seat 41 atan mipuiin vote an thlak dawn a ni.  Inthlan thawh 1-na atana hriattirna hi tun thla ni 14-ah tih chhuah a ni ang a, a thawh hnuhnung ber atana inthl an hriattirna chu April ni 17-ah tihchhuah a ni ang.