MLTP Act hlih leh hlih loh chungchang ruihchilh ṭha ti lo

ICT Minister Pu Lal Than-zara chuan MLTP Act hlih leh hlih loh chungchang ruihchilh chu thil ṭha a ni lo a ti.

Information & Communication Technology (ICT) Department leh Mizoram Journalists Association (MJA) te buatsaiha sawrkar rorelna dik atan egovernace pawimawhna zirhona nimina Aizawl-a neih a hmanpuinaah he thu hi sawiin Pu Lal Thanzara chuan Kohhran, Political Party leh tlawmngai pawl te bakah mitin maiin Zu an buaipui lutuk vek mai leh zurui ang maia awm chu bansan phawt a ṭul a ni a ti a, MLTP Act hlih leh hlih loh chungchanga Kohhran an râwn dawnlo tia sawi pawh chu kohhran chu ngaihdan nei sa leh an ngaihdan pawh hriat chiansa a nih vang a ni a ti a, an râwn loh chhan chu koh-hran hotute ngaihdan hnual-suat vang a ni lo tih a sawi.

Pu Lalthanzara chuan Sawrkarin thutlukna a siam dawnin ṭawngṭaina nen Pathian râwn chungin mipui tana ṭha tura ngaihtuahna senga kal ṭhin a ni a ti a. MLTP Act chungchangah, Pathian tal râwn rawh se intih chu ṭawngṭai ngai lote hnena sawi tur nia a hriat thu a sawi a ni.

Zu khap burna dan chungchangah pawh ngaihdan chi 2 a awm reng dawn tih sawiin hlih emaw, tihdanglam emaw a nih pawhin zu leh zurui chu an zalen ngawt dawn lo a, zu leh mipui chu dan hnuaiah vek an la awm dawn tho tih sawiin, zu a zalen avanga ruih luai tur emaw zu in ngai lo pawh rui ve tura tihlui tir ang maia ngaihdan siam chu thil diklo a ni a ti bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram