MZP-in Zoram Ni hmang leh

MZP chuan nimin khan Zoram Ni an hmang a, Kum 1966 nimin anga India Sawrkarin Jet Fighter hmanga Mizote a beih champha puala hmang an ni tih an sawi.

Aizawl I & PR Conference Hall-a ZORAM NI puala inkhawmah hian MZP President Lalhmachhuana chuan thusawiin, “MZP in Zoram Ni a hman chhan chu Mizo chanchina thil thleng chhinchhiahtlak chu hriatreng a ṭul avang leh Zofate thinlungah zalenna mei a mih mai loh nan a ni a ti a, he ni a lo thlen apiang hian Zoram mipui, a bikin ṭhalaite leh zirlaiten ram leh hnam tana inpekna thar nei chunga ram leh hnam hmangaihna rilru an neih theih nan inhlan thar ṭhin an duh tih a sawi.

Thusawitu dangte chuan ram leh hnam hmangaihna tak tak nen a inkaihhruaina a awmlo a nih chuan Zofate tan kawl a êng thei dawn tak tak lo a ni an ti a, party bil ni lo Zofate zawng zawng huapzo sawrkar a awm hun a nghahhlelhawm thu an sawi a ni.

Nimin vek khan Lunglei MZP Headquarters bultumin Lunglei ah ZORAM NI hi hman a ni bawk a, MZP Sub-Headquarters Tlabung bultumin Tlabunga pawh hman a ni bawk a ni.

Lungleiah hian Lunglei Khawpui hmun hnihah hun hman a ni a. Kawng zawh nghal a ni bawk a. Hun khatna chu Bazar Veng, State Bank kawtah hman a ni a. Rambuai avanga nunau In leh Lo tam tak chante, Ramtuilei lova awmtate, Thihna hial thlengte, mahni Ramchhung a cheng ngei Zofate India Sorkarin a ralthuam neih that ber ber leh Bomb hial hmanga a bei chuan an rilru a tih nat takzet thu ansawi a ni

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram