Salvation Army, Kolasib Vengthar Corps Biak In a bung-rua ṭhenkhat te chu Pathianni khan Salvation Army aṭanga inkhawm hrang, an hming pawh Salvation Army aṭanga paih tawh ten an la chhuak.
Bungrua lachhuak tute hi Vengthar Corps a lawi ṭhin, tun hnaia inkhawm hrang, ‘Pathian hnathawh pui te’ tih hming invuah te an ni a. Bungrua an lak chhuah te hi, Pulpit, Zahngaihna Dawhkan leh ṭhutthleng 10 vel a ni a. Hei bakah hian Vengthar Corps SAY ten Loan-a an lei Sound System, Microphone leh Cable bakah Combo leh Pipe hmanga siam thuk te an la bawk a. Bungrua an lak hun hi Inkhawm bân hnu a nih avangin Inkhawm tam tak chu an haw hman tawh a, mahse Vengthar Crops hian Self Denial an lak khawm hun a nih avangin SD chingfel a awm mi tlemte an la awm a. Bungrua lak chhuah a nih thu hi Kolasib Police ah Phone hmanga hriattir nghal a ni a, magistrate Pu Lalrin-awma SDC, SDPO leh Police enge-maw zat kal an kal nghal a, mahse a hmun an thlen chuan bungrua an lak te hi Pu Thandanga In ah an lo kalh hnan hman vek a ni.
Hemi chungchang hi District thuneitute hriattir an nih veleh Kolasib SDC Pu Lalrinawma, SDPO leh Police engemawzat chuan Kolasib Vengthar Corps Biakin an pan nghal a, Salvation Army pawl hnihte thusawi pawh an ngaithla a, he thil thar thleng chinfel dan tur ngaihtuah hian nimin khan pawl pahnihte hi SDPO Office-ah an inbia a ni.