Serchhip District chhunga Hualtu khuaah Inrinni tlai khan Lalhmingmawia (36) S/o, Lalhluna chuan Lalruatsanga (34) S/o Pahlira chu ulhbun silaiin a dul ah a kap a, a ka chhawn lohin a boral.
Thulakna tarlan danin Inrinni tlai khan Lalhmingmawia leh Lalruatsanga te hi an intibuai a, an chhung leh ṭhian ṭha ten kuai hrangin an hawnpui ve ve a, mahse Lalruatsanga hian chemtum nen Lalhmingmawia hi a pan leh ṭhin a, vawi hnih vawi thum lai chem nen a bei a, mahse a inveng hram hram zel a. Lalhming-mawia chuan chutia patling chem tum nena in um reng chu tiin zan dar 12 velah ulbun nen a pan a, a ko chhuak a, a kap ta mai niin thudawnna chuan a sawi.
Hmingmawia hian tihṭhaih mai a tum niin a sawi a, a silai-ah hian a mu a inthun leh thun loh pawh a hre lo niin a sawi. Ruatsanga ruang hi Pathianni khan Chhing-chhipah postmortem a ni.