Assam-ah hel leh an thawhpui mi 19 man

Assam a hmun hrang hrangah sipai ten hel leh an thawhpui mi 19 Pathianni zan khan an man a, ralthuam engemaw zat an man tel. Karbi Anglong District SP Mughdya Jyoti Mahan a sawi danin Pathianni zan khan Bokajan police station huamchhunga Jilangsu hmunah sipai leh police tankawp ten hel dap beihpui an thlaknaah Karbi Land Protection Force KLPF, hel 6 leh an sangawizawnpui mi 2 an man a, hel ho hian police te hi an lo kap hmasa niin a sawi a, engemaw chen an inkah hnu ah police te hian hel ho tawmkuk hi luhchilhin hetah hian hel ho leh an thawhpui te bakah silai leh a mu bakah tualchher bomb tepoh an man a ni.

Assam vek Chirang district a police leh sipai tangkawpin hel dap beihpui an thlakna kal mekah nimin thlengin National Democratic Front of Bodoland Songbijit faction helpawl mi leh sa 11 leh an sangawizawnpuite an man a, an hnen atang pawh hian ralthuam engemawzat an hmuchhuak a, AIR correspondent-in a report danin Assam ah hian December ni 23 a helho chetna avang khan nimin thlengin hel dap runpui neih a la ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram