Kuminah sawrkarin Chapchar Kut lawm a tumlo a nih chuan Central YMA-in a lawmna tur ruahmanna a siam dawn. Inrinnia Central YMA thuneitu sâng Central Executive Committee (CEC) \hukhawm chuan sawrkarin Chapchar Kut lawmna a siam loh chuan Central YMA in ruahmanna siam rawh se tiin thutlukna an siam a. Central YMA hruaitute sawi danin Chapchar Kut hi kumin hian March ni 6, Zirtawpni-ah a tla a. Tun thlenga sawrkar lam a\anga a hman dan tur ruahman tura inhmuhkhawm kohna a la awm lo chu hun a bichilh lutuk ang tih an hlauh thu an sawi a. Chu bakah sawrkar hian sum harsat chhuanlamin Chapchar Kut hmanna tur senso atan pawisa a dah lo nia sawi a awm bawk avangin Central YMA-in buaipui mai ni se tih an rel ta niin an sawi a. Sawrkar a chet loh pawhin Chapchar Kut hman chu YMA tih ngei ngei tura an ngaih hrim hrim thu an sawi bawk a ni.
Loading ...