Zothlifim Logo
Loading ...

MLPC Act 2014 hman a nih aṭangin Dan kengkawhtute (Police, Traffic leh Excise & Nar-cotics) chuan ṭhahnemngai takin hma an la zel. Phalna nei lova zui in leh zu ruite chungah Dan anga kutthlak mek zel a ni tih Excise Dept chuan thuchhuah siamin a sawi a, Khualzinphur lirthei Maxi cab, Taxi, leh bus khalhtute pawh a remchang ang zelin Breath Analyser hmangin zu an in leh in loh endik zel a ni.

Hetihlai hian MLPC Act hnuaia Court-in thiam loh a chantir mi ṭhenkhatte chu Vantlang hna thawk tura hrem an ni a. Aizawl Civil Hospital leh bazar hmun thianfaia hrem an awm nual, nimin pawh khan Mamit leh Kolasib-ah pawh Vantlang hna th awk tura hrem mi 7 an awm. He Dan hman thar hi District hrang hrangah khauh taka kenkawh chhoh mek a ni.

Niminpiah khan Mizoram Excise & Narcotics Department, AntiNarcotics Squad te chuan Heroin gram 15 leh a neitu nia puh, Kaineihchuaii (45) Champhai Dinthar Veng nia inchhal chu Aizawl Bawngkawn an man a, NDPS Act hnuaiah thubuai siamsak a ni.