Zothlifim Logo
Loading ...

Aizawl Municipal Council (AMC) huamchhung bawlh-hlawh paihna tur hmun zawn mek a ni tih AMC Executive Councillor Sanitation changtu Pu Lalsawivunga chuan a sawi. Tuiriala bawlhhlawh paihna chu a hmunin a zawh tawh loh avangin Hualngohmun lamah ruahmanna kalpui nan cheng vaibelchhe 33 pawm tawh a nih thu leh hemi atan hian sum nghah mek a ni tih a sawi a, hemi bakah hian Tuirial ramah hian bawlhhlawh tihralna Incinarator veng 5-ah dahchhin phawt a nih thu leh bawlhhlawh paih man thla tina Rs.33,41,120 sen mek chu titlem turin bawlhhlawh bengmukna khawl ruahman mek ni tih a sawi a, Septic tank paihna khawl pawh Rs.3,000/- zela rawih turin 5 an kawl tawh tih a sawi a, êk paihna khawl hi duh duh hman turin Sanitation office-ah zawh fiah theih a ni tih a sawi.

AMC hotute chuan, Aizawl khawpui chhung bawlhhlawh paih hna kalpui nan tun dinhmunah thla tin lirthei lian chi 1464 leh a tê deuh 768 hman thin a nih thu an sawi a ni.