Zothlifim Logo
Loading ...

Thawhlehni zana Tuikhuahtlanga hmeichhe pakhat pawngsual rawn anga thu thehdarhtu chu chhui zui zel a nih hnu-ah he thu thehdarhtu nia puh, Chalthansawmi (22) Aizawl Saron veng nia sawi chu man a ni.January ni 13 chawhnu khan WhatsApp, Telegram leh Facebook ah te- ‘Tuikhuahtlang tlangval thianhovin nula pakhat an pawngsual rawn hnuah hmeichhia hi damdawiin panpui a niin a hliam tuar lovin a thi, pawngsualtute zinga mi 2 police ten an man tawh’ tih thu thehdarh a ni a, hei hian mipui a tiphawklek hle a, he thu hi dawt anih thu fiah zui nghal a ni.

Tuikhuahtklang YMA hruaitute chuan Aizawl Police Station ah FIR an thehlut a, Police ten an chhui zuinaah a thehdarhtu nia puh hi an man ta a, thubuai hi bailable a nih avangin bail-in chhuah leh nghal a ni. Mizoram Police CID record-a a lan danin kum 2009 aranga April 2014 thleng khan IT Act bawhchhuiatna thubuai 17 an awm tawh a, heng zinga 8 hi chargesheet tawh niin chhui lai mek 9 a awm a ni.