Skip to content
Home » Chanchinthar » Hausak tum lova hlawhtling tuma thawk turin fuih

Hausak tum lova hlawhtling tuma thawk turin fuih

Horticulture Minister Pu PC Lalthanliana chuan huan neitute chu hausak tum ni lova hlawhtling tura thawk turin a fuih. He thu hi Minister hian Zirtawpnia Hortoki khua a tlawhnaa thlai chingtu ‘Farmer’s Interest Group’ 5 te hnenah Rashtriya Krishi Vikas Yojana (RKVY) hnuaia pawl \anpuina sum leh tui pump khawl 10 hlanna programme Horticulture Department-ina an buatsaihah a sawi a ni a. Thlai an la chin ngai loh ang chi tomato, broccoli leh a dangte pawh Kolasib Horticulture Division hmalaknain Hortoki-ah bul \an tum a nih thusawiin tih takzeta kuthnathawktu ten an thawh zel chuan Sawrkarin a theih ang angin a pui zel dawn a ni, a ti.

Pu PC Lalthanliana, Parliamentary Secretary Pu K.Lalrinthanga leh Pu Hmingdailova Khiangte te chuan Hortoki khua tlawhin Tlawng kam nul-a Hortoki khua chhungkaw 200 dawn ten thlai huan an siam te chu a hmuna kalin an hmalakna te an enpui a. Minister chuan thlai chingtu leh kuthnathawktu ten an mahni thawhrimna phu tawk anga an thawh rah an seng a pawimawh thusawiin chu chu hre reng chunga khâr chhawngtu ten anmahni an duhsak a \ul a ni, a ti.

Zirtawpni vek khan Horticulture Minister Pu PC Lalthanliana chuan Hortoki khua a thlai chingtu ten \angkai taka an hman atana RKVY hnuaia Pack House leh Godown sak thar te leh Tlawngkam Damdiai Thlangta Zau a Community Water Tank pahnih leh Tlawngkam Zau a Individual Water Tank siam te chu a hawng nghal bawk a ni. Thlai thar dah khawmna tur kudam hi feet 36 a sei leh feet 15 a zau a ni a; a chhungah hian Motor lian phur 10 zeta tam dah khawm theih beisei a ni. Thlaithar dah thatna tur Pack House feet 16 a sei leh feet 10 a zau siam a ni a; a chhungah thlai chhe hma zual bik dahna tur Cold Room pawh siam nghal a ni bawk. Tui dah khawlna tur hmun Community Water Tank 2 siam ah hian tui litres 98,125 ve ve leng thei tura siam a ni a. Hei bakah hian hmun dangah Individual Water Tank siam ah hian tui litre 25,800 a dah thei a ni.

Farmer’s Interest Group 5-ah hian mi 20 zela in \henin a vain mi 100 an awm a, Group tin bank account ah hian sumfai `1,71,500/- \heuh dahsak an ni a. He sum hmang hian kum danga pawisa neih loh vanga an tih theih loh pawh an tih theih phah beisei a ni a. Thlai thar an hralh hunah an hnawh khat leh zel dawn a ni.