Serchhip |halai Pawl te chuan tunhnai khan Serchhip khawpui chhung hmun hrang hranga Tuikhur a\anga tui sample la-in, an test a, an tui test a\ang hian Serchhip khawpui chhunga Tuikhur engemawzatah chuan mihring tana natna thlen thei hrik a awm tih an finfiah niin an sawi.
Serchhip |halai Pawl te hian Tui Sample Survey thawh khatna an neihah hian Health Department-in tui test nana an hman \hin H2S Strip Test hmangin an tui sample lak te hi an test a, Serchhip khawpui chhunga Tuikhur tuiah natna chi hrang hrang – kaw\halo leh tuihri te, thisena bacteria lut natna te, zunin leh zunkawng natna chi te thlen thei natna hrik a awm leh awm loh endik nan hian Tuikhur tui sample 20 – New Serchhip hmar lam, Darnam, Dinthar leh Chanmari a\ang tein an lakhawm a, tuikhur tui 20 an lak zinga 18 te hian Salmonella species emaw Citrobacter species emaw an pai tel ngei tih an finfiah a, hemiin a entir chu tui a\anga kaidarh theih natna/hri chi khat emaw a aia tam pawh lêng thut thei dinhmunah Serchhip khawpui emaw khawpui chhung hmun \henkhat emaw chu a awm niin an sawi a, hei hian mipuite chu in leh a vêl leh mimal faina leh thianghlimna kawngah te, tui chhuan so chauh in tura zirtir vat an mamawhzia a tilang a ni, an ti bawk.
Serchhip |halai Pawl-in hetia tuikhur tui an endik chhan hi thil awm ngei behchhan (evidence based)-a mipuite hnena zirtirna dik tak pek chhuah a nih theihna tura ti an nih thu an sawi a, Tuikhur a\ang hian tui sample hi 20ml zel, a hmuna kal chilhin an lakkhawm a, H2S Strip Test bottle-ah dahlutin, Sample lakkhawmte chu khawl hmangin 36 degree Celsius-ah darkar 48 chhung an up a, hetianga bottle chhunga dah hian bacteria te an lo inthlahpung thei a, Darkar 48 hnua bottle chhunga tui rawng lo inthlak danglam dan enfiah a nih hnuah tuiah chuan Salmonella species emaw, Citrobacter species bacteria a awm leh awm loh a hriat theih a ni.
Serchhip |halai Pawl chuan mipui hnena ngenna siam nghalin, tui chhuan so, thianghlim chauh in \hin tur te, In leh a vel vawngfai tur te, mi tana hnawk leh rimchhe lo tura ran in, ek in leh zun in te fai taka vawng tur te, Tuikhur hnarah ran in, ek in leh zun in te sa lo tur leh Thing leh mau phun uar chu tui leh boruak thianghlim neih tamna a ni tiin, thing leh mau phun uar turte-in Serchhip mipui te an ngen a ni.
Hetihlai hian PHE Department hotute chuan PHE Department tuisem bakah Tuikhur tui pawh PHE District Laboratory-ah an test reng thu sawiin, PHE Tuisem te chu mipui in atan a thianghlim tawk tih an sawi ve bawk a ni.