Nimin chhun dar 12 khan Aizawl Press Club-ah MJA Gen Hqrs chuan Kumthar thingpui inhona neiin infuihtharna hun an hmang bawk.
MJA President Pu Vanlalrema Vantawl chuan MJA a thawhpuite Kumthar chibai bukin chanchinbumite chu sulhnu hriat tham hnutchhiah tura fuihin, “Media zalen berna ram ni \hin France-ah firfiak te’n journalist an kaphlum a, an ram mipuite chuan an thiamna leh an thil hriat an ui thu an sawi nasa a. Chutiang bawkin eng ang quality nge kan neih a, miin entin nge min hmuh? tih inzawt \hin ila, mipuiin journalist thil hria leh huaisen tia min hriat theihna turin kan hriatna leh kan thiamnate kan ti pung tur a ni,” tiin a sawi a ni.
Tun terma MJA in a ngaihpawimawh \henkhat sawiin, “MJA amaha a din zel theih tirtu tur assets(thil nghet neih) tlo leh liantham pawlin a neih a \ul a, damlo leh thi thei kan nih avangin kan ‘welfare’ ah pawh tunaia tam hian kan do let ve a \ul a ni,” tiin chhungkua leh welfare chu member tinte’n hlut thiam turin a chah a ni.
Journalist an hnaa ti tak tak, in leh lo nghet neilote tan tunah hian MJA Gen. Hqrs in hma la mekin Pu Lal Thanhawla, Chief Minister in a phurpui hle a, DIPR Minister of State Pu Lal Thanzara leh Planning Department te’n hma lakpui an tum zel avangin an chungah MJA chu a lawm hle niin MJA President chuan a sawi bawk.
Thusawi tura ruat Pu DR Zirliana, Editor Mizo Aw leh Ex President chuan incheinaah a hun leh a hmun hriaa, inkawm ngeih kumah hmang turin MJA chu a fuih bawk a ni.
Pu Lalsangzuala Hmar chuan April – December 2014 inkarah hmalakna langsar zual \henkhat tarlangin Aizawl Press Club chhawng chung ber Assam Type chu RCC a siam\hat tum niin CSR hmangin Mizorama hnathawk company te a\angin cheng Nuai 2 MJA in a dawn thu leh a dang lut tur beisei a nih thu a a sawi a. Sawrkar leh MJA in a din Mizoram Journalist Welfare Society hmangin April- December 2014 inkarah journalist leh an chhungte damlo puih ngai mi 16 hnenah cheng Nuai 9.5 pek a nih thu report ah tarlangin, DIPR Secretary leh board member ten media mite hmakhua an ngaihpui \hinnaah MJA a lawm tih a sawi bawk.