Zothlifim Logo
Loading ...

Mizoram Sawrkar thuchhuaka January ni 15, 2015 a MLPC Act 2014 hman a nih hnuah Serchhip District chhungah pawh khauh taka kenkawh a ni a, Serchhip District chhunga a hmasa ber atan Section 43 (a) of MLPC Act, 2014 tlawhchhanin Pi Lalrochami Ralte, Judicial Magistrate 1st Class, Serchhip chuan Lalhlimpuia S/o Chhuanmawii, Hermon Veng, Thenzawl chu thiamloh chantirin a hrem. Lalhlimpuia hi Police vênna hnuaiah Serchhip DC Office chu ni 2 chhung tifai tur leh JN Hospital, Serchhip pawh ni 3 chhung Chawhma dar 10 aṭanga chawhnu dar 3 thleng tifai tura hrem a ni. Lalhlimpuia hian zu in chunga a inlehkhaden thu leh a ruih vanga a bengchhen thu sawiin a thiamlo tih Magistrate 1st Class hma ah hian a sawi a ni.