MLPC Act hmangin mi engemawzat hrem an ni tawh

Zu khuahkhirhna dan thar, Mizoram Liquor Prohibition & Control Act, 2014 hmangin mi engemaw zat mana hrem an nih tawh. Aizawl district SP Pu C.Laldina sawi danin MLPC Act hman a nih a\anga Aizawl district-a zu rui man hmasak ber rui chunga lirthei khalh thubuai pahnih leh Aizawl Police Station case pahnih te chu MLPC Act hmangin thubuai siamsak an ni a. Aizawl District Chief Judicial Magistrate Pi Sylvie Ralte-in an thubuai hi ngaihtuah nghalin, MLPC Act Section 43 (2) hmangin thiamloh chantir an ni a. Heng mi 4 te hi an thaw a\anga zu in leh in loh hriatna, Breath Analyser hmanga endik an nih hnuah an rui tih finfiah a nih avangin hrem an ni ta a ni.

Traffic Case pahnih leh Aizawl PS case pakhata thiamloh chantir te hi vantlang hna thawhtir tura tih an ni a, nimin a\ang khan Aizawl Civil Hospital compound leh Aizawl dist rict Court Compound ni 3 chhung nitin tifai turin an chungthu hi rel a ni a. Vantlang hna an thawk lai hi Police-in an vil ang. Aizawl PS Case pakhat erawh pawisa `1,000/- chawitira chhuah a ni.

Nimin pawh khan Aizawlah chuan he dan hmang hian mi 6 Convict an ni leh a, an zinga mi 5 te chu ni 3 chhung Aizawl Civil Hospital tifai tura tih an ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram