Tripura Camp-a Mizoram Tuikuk awmte lo lêt tawh lova awm hlentir leh Mizorama vote nei tawh lo tura siam rawtna Chief Minister Pu Lal Thanhawla’n Central sawrkara a thlen leh NEC Plenary session tunhnaia Shillonga neiha hemi chungchang a sawi chungchangah Cental sawrkar a\angin chhânna hmuh a la nilo. Home Minister, Pu R.Lal-zirliana chuan hemi chungchang-ah hian Mizoram sawrkar chuan Central sawrkar a\angin thil hriat engmah a la nei lo a ni a ti a, Tuikuk Refugee-te chu lâklêt chhun-zawm leh tur a nih leh nih loh chung-chang pawh hriat a la nilo niin a sawi a, hetihlai hian, Mizoram Bru Displace People Forum President, Pu A.Sawibunga chuan zawhna chhangin, Mizorama an lo lêt theihna tura Central sawr-kar leh Mizoram sawrkar a\anga an thil phût te chu a la ngai reng a, chungte chu, Mizorama khaw lian tak tak siam saka chutah chuan a huhova dahkhawm te, an eizawnna tur ram pek te, an lo lêt a\anga kum 2 chhung a thlâwnna ration pêk te leh an inbenbelna tur atana \anpuina sum `80,000 pek \hin chu `1,50,000-a tih san te an ni a ti.
Zawhna dang chhangin Pu A Sawibunga chuan Central sawrkar a\angin a thlâwna ration leh thil dang an dawn te chu an la dawn chhunzawm zel niin a sawi bawk.