MNF President, Pu Zoramthanga chuan nimin khan Myanmar sawrkar leh Underground pawl hrang hrang 17 inhlawm khawmte inkara remna palai hna thawk turin Mizoram a chhuahsan.MNF thuchhuah tarlan danin, hel pawl pawl hrang hrang te hi – Karen, Kachin, Uah, Chin Hills, Arakan leh Shan mi te an ni a, Pu Zoramthanga hian vawiinah Kolkata a\angin Rangoon thlawhnain a pan ang a, Burma sawrkar Minister inchange ‘Peace talk’ nen ni 13 a\anga ni 17 inkarah inbe tur an ni a, ni 18-ah Bangkok a thlawk lut leh ang a. Chutah chuan Underground pawl hrang hrang aiawh hotute nen an inbia ang.
Myanmar sawrkar leh hel pawl hrang hrangte a biak fel hnuah tun thla ni 22 hian Home Ministry, New Delhi ah report a pe leh dawn tih MNF thuchhuah chuan a sawi.
Pu Zoramthanga’n Myanmar sawrkar leh underground te inkara palai hna a thawh chhan hi, ram tam takin palai hna an thawhna te a zuihral \hin vang niin MNF Party thuchhuah chuan a sawi a Underground hruaitute chuan India leh MNF inremna tluantling leh tha tak entawn tur a awm avangin, underground hruaitu hlui Pu Zoramthanga hi an be pawp a, Hmasawnna a awm theih loh vangin, Britsh Prime Minister hlui, Tony Blair-a teama an hotunu Inter/Mediate, Sr. Director Dessislava Roussanov a paw’n Myanmar-a palai hna an thawhna kawngah Pu Zoramthanga chu nikum October khan N.Delhi ah a lo kawm tawh a. Tunah chuan Myanmar sawrkar leh Underground pawlte ngenna angin amah, Pu Zoramthanga hi a kal ta a ni an ti.