Mizoram Liquor Prohibition & Control Act, 2014 chu tun thla ni 15 a\angin hman \an a ni dawn a, zu kaihhnawiha dan bawhchhiate leh zuruite chu he dan hmang hian tun thla ni 15 atangin hrem tan an ni tawh ang a, hetihlai hian sawrkar phalnaa zu zawrh \an hun chu March thla lamah \an tum a ni.MLPC Act hi January ni 15 a\angin hman \an ni dawn mahse Sawrkar phalna anga zu zawrh chhuah chu January ni 15 a\ang hian \an a ni dawn rih lova, Excise Minister, Pu R.Lalzirliana sawi danin Sawrkar phal anga zu zawrh chhuah theih hun tur atan kumin March thla lam thlir a ni a, he mi huna thil tifel hman tur hian inbuatsaih chhoh mek a ni.
Minister chuan dan hman theih nan hian tun thla ni 15 hun tiam nimahse hei hi inbuatsaih chhoh nan hman a ni ang a, thil tih fel hmasak ngaite tifel tura chak taka hmalak a ni ang a, tunah pawh hian Bonded Warehouse dilna te, Warehouse dilna leh Vendor dilna te dawn mek a ni a, chumi rual chuan District hrang hranga Excise Superintendent Office a\angin zu lei duhte tan Liquor card dilna form pek chhuah mek a ni a ti bawk.
Zawhna dang chhangin Minister chuan, Warehouse leh vendor diltute zingah sawrkar hnuaia Corporation-te pawh an tel niin a sawi a, heng dilna zawng zawng hi enfiaha, a hmu tur hnenah phalna la pek a ni dawn niin a sawi a, District hrang hranga Excise Superintendent-te office a\anga zu lei phalna, Liquor Card dilnate pawh dawn khawm a, chinfel thuai tur niin a sawi a ni.
Zu lei phalna card neitu hian thla khatah zu um 6, bear um 10 leh wine um 10 a lei thei dawn a ni. He dan hi hman nimahsela zurui leh zu kaihhnawiha buaina siam leh vantlang tana ninawm zawnga awmte chu mana, hremna pek thin an ni ang a, danin a tarlan angin hrem ngaite chu pawisa chawi tir leh tantir bakah Excise, sipai emaw, police emaw venna hnuaia khawlaia vantlang tana hna pawimawh inthawh tir pawh a tel thei a ni.