Saitual tuilâk tur hna kal lai Minister 2-in tlawh

Zirtawpni khan Saitual, Keifang, Rulchawm leh Ruallungkhua te tui tlan tur Greater Saitual Water Supply Scheme hna kallai chu Home Minister Pu R.Lalzirliana leh PHE Minister Pu Zodintluanga ten an tlawh. He tui lakna hnathawhna senso atana sum ruahman cheng vaibelchhe 21.532 chu Non Lapsable Central Pool of Resources a\anga hmuh a ni a; hna hi Excelsior Merchants Private Ltd., Kolkata ten contract-in an thawk a ni. Tuilakna hmun, raw water pump house hi Tuivawl Luiah siam mek a ni a, Tuivawl kam ah treatment plant, clear water pump leh 33Kv transformer bun niin tui pump chhoh thlenna hmun, main reservoir hi Saitual khawdai, Saihmar tlang chhip ah siam a ni thung.

Greater Saitual Water Supply Scheme hian mihring 35,000 nitin tui mamawh pe thei tura ruahman a ni a. Kum 2011 chhiarpui a alan dan chuan Saitual town area ah hian mihring 10,779 an awm mek a ni. Hna hi kumin \hal chhung ngeia thawh zawh hman tum a nih thu engineer te chuan an sawi niin sawrkar thuchhuah chuan a tarlang.

Minister pahnih hi PHE Department hotuten an \awiawm a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram