Serchhip-ah Kângmei Vên Hapta hawnna inkhawm nei

Serchhip District Level Fire Prevention Committee hmalakna in nimin khan Mizoram hmun dang rualin Serchhip Bazar kawnah “Fire Prevention Week, 2015” (Kângmei vên hapta) hawnna inkhawm buatsaih a ni a, Hrangturzo bialtu MLA Pi Vanlalawmpuii Chawngthu chuan khuallian niin Kângmei vên hapta hi a hawng a ni.He hapta, January ni 19-24 chhung awh tur hawnna thusawitu Pi Vanlalawmpuii chuan Mizoramin hma a sawnna tur leh mipuiten eizawnna changtlung tak kan neih theihna turin ram leilung hrisel kan mamawh a, chumi tur chuan ram kâng laka kan invên \hat a pawimawh hle a ni a ti a, ram kâng hi \am hmahruai a ni a, kan lo neih tur te, leilet siamna tur te a tihchhiat bakah tuihna a tichhiain boruak, sik leh sa a tichhia a, nungcha tam tak a suat bawk a, ram kângin ngai awh leh tur chuan kum tam tak nghah a ngaih \hin avangin kan intodelhna tur min dâltu a ni a ti bawk.

Ram tikângtu te chungah sawrkarin khauh lehzuala Dân lekkawh a tum tawh thu sawiin, Pi Awmpuii chuan ram tikângtute mai bakah a zêppuitu te thlengin Dân hnuaiah an phu tâwk a hrem an nih tawh tur thu a sawi a, sawrkarin ram a kan lohna tura theihtawp a chhuahnaah hian mipuiten \ha taka kan \awiawm a ngai a ni tiin, sawrkar, khawtlang hruaitute leh YMA hruaitute thu awiha ngai pawimawh turin mipuite a ngen a ni.

Pu RL Chhuanawma, President, Sub-Headquarters YMA, Serchhip pawhin thu sawiin nikumah mualphothlak takin Serchhip ram a kâng a, kar 2 chhung kâng \helh turin Serchhip khaw pumpui an buai a, hetiang a thlen tawh lohna tur hian YMA ten theihtawp an chhuah dawn thu leh YMA Branch hrang hrangte pawh duty tur an inruat dawn thu a sawi a, ram tikâng an awm leh a nih chuan hremna na thei ang ber pêk an nih ngei theih nan YMA-in hma an lâk dawn thu a sawi bawk.

Thusawitu dang Pu Kapliana Pachuau, President, MJA, Serchhip District pawhin ram kâng bakah In kâng te pawh vên tel a \ul thu sawilangin MJA member te pawhin an theihtâwpa Kângmei vên chungchang zirtirna mipui hnena pêk an tum thu a sawi a ni.

Pu Lallianzuala, DFO, Thenzawl, District Level Fire Prevention Committee-a Member Secretary ni bawk chuan Report pe-in Kângmei vên kawnga District Level Fire Prevention Committee in ruahmanna a siam te mipui hriatah a puangzar a, Tlangau leh YMA Information Centre kaltlang a ram tikâng lo tura mipuite ngenna siam a nih tur thu te, Kohhran zawng zawngah Kohhran inkhawma chhiar chhuah turin ngenna siam a nih tur thu te sawiin, heng bakah hian Banner leh poster \hahnem tak târ a ni ang a, Tualchhung chanchinbu leh Cable Network-ah te a \ul anga Advertisement a nih bakah YMA Chanchinbu kaltlangin mipuite hnena ngenna siam a ni bawk ang.

District Bawrhsapin Ram tikâng lo tura mipuite hriattirna/khapna (Prohibitory Order) a chhuah ang a, District chhûnga ram kâng vên kawnga hna thawk \ha khua 5 thlan a ni ang a, tualchhung chanchinbute zinga ram kâng vên lam hawi zirtirna pe \ha 3 leh Cable Network 2 thlan chhuah a ni bawk ang.

Fire Prevention Week, 2015 hawnna inkhawm hi Pu VL Remliana, MCS, Additional DC, Serchhipin a kaihruai a, Serchhip khawpuia Sawrkar Department hrang hrang hotute, YMA Branch hrang hrang aiawhte, VC aiawhte leh thuthar thehdarhtute an kal \ha hle a ni.

Serchhip rual hian North Vanlaiphaiah DFO hovin Fire Prevention Week, 2015 hawnna inkhawm hi neih a ni bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram