Zothlifim Logo
Loading ...

Mizoram sawrkar chuan National AIDS Control Organisation (NACO) a\anga \anpuina dawng blood bank-te chu thisen hmangtu hnen a\angin thisen unit khatah thisen sawngbawlna man (processing fee) `550 zel la turin a hriattir.

Mizoram sawrkara Hospital & Medical Education department director-in nikum kum tawp lama hriattirna a chhuah chuan, private hospital-te’n NACO supported blood bank-te a\anga thisen an lakin, processing fee thisen unit khatah `550 zel la turin a hriattir a; chumi ang chuan December 2014 thla tir a\angin private hospital-te’n blood bank a\anga thisen an lakin processing fee `550 zel an la a, sawrkar damdawi-ina awma thisen dawngtute a\ang erawh chuan processing fee lak a ni rih lo.

HME director chuan December 22, 2014 khan hriattirna (notification) chhuah lehin, NACO a\anga \anpuina dawng blood bank, sawrkar damdawi-ina blood bank zawng zawngte chu January 1, 2015 a\angin processing fee, thisen unit khatah `550 zel la turin a hriattir leh ta a ni.

HME director notification chuan, Medical Reimbursement, Health Care Scheme leh RSBY hmanga damdawia inenkawlna sawrkara bill leh theite hnenah thisen hmangtute a\angin processing fee unit khatah `550 zel lak tur a nih thu a tarlang a; blood processing fee lakte chu damdawi-in inenkawlna RKS-a lut tur a nih thu a tarlang bawk. Hetihlai hian, damlo natna khirh bik, thisen pek reng ngai ang chite chu thisen an dawn nawnnaah chuan processing fee laksak loh tur an nih thung.

Blood processing fee lak tura tih hi State Blood Transfusion Council rawtna anga kalpui a ni a; sawrkar damdawi-inte hnena thisen dawngtute a\anga thisen sawngbawlna senso phuhrûkna tur la tura tihna thupek hi sawrkar damdawi-inte chuan order an hmuh chauh avangin a takin an la kalpui lo nia thu dawn a ni.

Association for Voluntary Blood Donation (AVBD) chuan sawrkarin thisen hmangtute a\anga thisen lakna hmanrua leh sawngbawlna senso phuhrûkna tura processing fee unit khata `550 lak chu thisen man a ni lo tih hrethiam turin mi tinte an ngen a. AVBD chuan, sawrkarin thisen petute ei leh in tur (refreshment) man tur blood bank-te a pek theih rih loh avangin, tun hnaiah Khatla YMA-in `25,000 leh mimal \henkhatin pawisa an pe tih sawiin, lawmawm an tih thu an tarlang bawk.

AVBD tarlan danin, miin a thlawnin thisen pe mah se, damloin a hman theih tura thisen siam nan unit khatah `1,200 vel sen a ngai \hin a, sawrkarin sawrkar damdawi-in a blood processing fee a lak hma hian private hospital-in sawrkar blood bank a\anga thisen an lakin unit khatah `550 lak phawt a ni.

Private hospital blood bank-te chuan kum eng emaw zat kal ta atang khan processing fee an lo la tawh a; Christian Hospital, Serkawn blood bank chuan unit khatah `750 an la mek a. Synod Hospital blood bank chuan thisen unit khatah `400 leh `1,500 an la a; hei hi NACO guideline rate ang a nih thu MSACS hotute chuan an sawi.