United Pentecostal Church – NEI rorelna sâng ber General Conference, Executive Board leh Administrative Committee-in vawi engemawzat a ngaih-tuah hnuah an Kohhranin hlam-zuih an vui dan tur chung-changah thutlukna a siam ta a, UPC-NEI, General Secretary Rev. Lalmalsawma Sailo chuan hemi chungchang hriattirna hi a tichhuak tawh a ni.Hriattirna a tihchhuahah chuan Mizo Customary Law leh Mizo Society-in hlamzuiha a dahte hi kohhrana hlan an ni tawh emaw hlan an la ni lo emaw Kohhran mi leh sa dik tak an ni a, chuvangin anmahni vuina/ thlahna Programme pawh Kohhranin hmansak ngei tur a ni, a ti a, thil dang khawn tesep leh lumen leh an puala hun hman ang chite chu tualchhung kohhran leh khawtlang kalphung ang zel zui tur a ni ang, a ti.
Thlanmual emaw chhungkuain rem an ruat anga hmun remchang dang emawa phum tura thlah liam an nih dawnin- mitthi dar vuak a ni lovang a, amaherawhchu Kohhran mite inpunkhawm dan tur leh vui hun chu chhungkua leh khawtlang hotute inbiak rem dan a ni ang a ti a, Kohhran Committee/ bialtu pastor remruatnain Bialtu Pastor/Upa/ Church Board Committee member/ Rawngbawltu chin awm remchang ten vuina hun an hmang ang a ti a, Prog-ramme tlangpuiah chuan chhung-kaw aiawha thusawi, thlamuan-na thuchah tawi awmin malsawm ṭawngṭaina emaw Lalpa ṭawng-ṭaina emawa hun tihtawp ni se a tih bakah Phumna hmunah pawh ṭawngṭai tur inruat theih a ni ang, a ti bawk.