Village Level Officer Training

Kum 2015 Village Council inthlan lo awm tura inbuatsaihna atan nimin khan Serchhip District chhunga Village Level Officer te tan DC Conference Hall-ah training neih a ni a. He training hi Pu Lalhmansanga MCS, Election Officer, chuan a kaihruai a, Village Council Election Master Trainers ten zirtirna hi an pe a ni.Election Officer chuan, kan hma lawka Village council inthlan lo awm turah Assembly Electoral Roll chu Draft-Roll-ah hmangin VC Electoral Roll buatsaih tur a nih thu a sawi a, hemi atan hian Serchhip District chhunga Booth Level Officer zawng zawng te chu Village Level Officer-ah ruat vek an ni tih sawiin, VLO te chu an hna te rinawm tak leh dik taka hlenchhuak turin a fuih a. VC inthlana dik leh felfai kan neih theih nan E/Roll buatsaih lai aṭanga uluk tak leh fimkhur taka hnathawh a ṭul thu a sawi bawk.

Serchhip District ah hian VC 49 a awm mek a. Tun ṭumah hian, Aizawl District chhunga khaw 3 – Tlungvel, Darlawng, Phulmawi leh Cham-phai District chhunga Biate khua te chu Electoral Roll siam hna leh VC inthlan buaipui chung-changah Serchhip District Election Office chuan a hma tel dawn a ni. Kumin Village Council inthlan lo awm turah hian Serchhip khawpui chhungah VC 4 leh Thenzawl-ah VC 1 siam thar a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram