Malsawmtluangi leh Hani Ngurdinthari ten naupang huaisen chawimawina an dawng

Naupang huaisen chawi-mawina Jeevan Raksha Padak India Sawrkarin a pek Mamit District Lengte khuaa Mal-sawmtluangi leh Hani Ngur-dinthari te hnenah nimin khan an District thuneituten an hlan a, a thih hnua chawimawina dawngtu Malsawmtluangi hi a nu leh paten an dawn sak a ni.
Kum 2013 June ni 8 khan Malsawmtluangi leh a nau, Vanrosanga leh ṭhian dang 4 chu Lengte khaw lui Dialdawk-ah an kal a, an haw lam chu Lui daikai an ngaih avangin inkai chungin lui lian chu daikai an tum a. Vanrosanga chu tui lian leh khauh tak mai chuan a ke phetin, tui chuan a la ta a, a thlang liah a lên lut a, Malsawmtluangi chuan tui hleuh pawh thiam lovin a nau Vanrosanga chhan nan chuan tuiah chuan a zuang lut a, Tuilian chu a nasat em avangin la-in a nunna a lo chan phah ta a ni. An ṭhian te zinga mi Hani Ngurdinthari chuan a ṭhiante chhan tumin li-ah chuan a zuang lut ve ta a, tui a nu in a khauh hle a, Hani chuan a khawih fuh hmasak ber Vanro-sanga chu la chhuakin nikhua hre tawh lo chu a thiam dan dan in tuitla sawngbawl dana sawngbawlin reife hnu chuan a lo harh chhuak leh ta a ni.

Award hian Chawimawina thuziak, Medal leh `40,000/- a keng tel a ni.

India Sawrkar chuan an thiltih ropui hi hriatsakin Naupang huaisen chawimawi-na Bravery Award chu Prime Minister of India kut atangin kum 2014 khan a lo dawng tawh bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram