MLA 3 te MLA nihna hlihsak

Manipur a Trinamool Congress MLA 3 te chu nimin khan member an nihna paihsak an ni a,  Assembly Speaker T.Lokeshwar Singh-a’n member an nihna paihsakna thupek hi a siam a ni.
Manipur MLATrinamool Congress MLA 3 te hi Khumukcham Joykishan Singh, Thongam Biswajit Singh leh Oinam Lukhoi Singhte niin Manipur Pradesh Trinamool Congress an din thu leh ram danpui a anti-defection law hnuaia tih tur zawm veka thil ti niin an insawi a, amaherawh chu All India Trinamool Congress State Unit President, an party MLA nilai Thounaojam Shyamkumar Singh-a’n an thil tih khinna petition, State Legislature Speaker Tribunal ah thehlut a, Assembly member an nihna paihsak tura ngen angin Speaker chuan member an nihna a paihsak ta a ni.

Speaker chuan Constitution Schedule 10 na hnuai a MLA 3 te member nihna paihsakna thupek a tihchhuah pah hian anmahni bial Thangmeiband, Thongji leh Wangoi Assembly seat te chu seat ruak ani ta tih a puang nghal bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram